Home  >>  Amakuru yose >> Amakuru mashya >> Mu Rwanda >> 

Rurageretse hagati ya Cardi B n’umraperikaz Nicki Minaj

Hashize iminsi umwuka atari mwiza hagai y’abaraperikazi babiri bakomeye muri Leta Zunze Ubumwe za Amerika, Nicki Minaj na Cardi B ndetse ku mugoroba wo ku wa Gatanu w’icyumweru gishize bakozanyijeho ubwo bahuriraga mu birori bya Harper’s Bazaar i New York.

JPEG - 59.2 kb
Cardi B(iburyo) yahoze ari umubyinnyi wo mu tubyiniro none ubu n’umuraperikazi ukomeye uhanganye na Nicki Minaj(ibumoso)

Cardi B ni Card B we wabanje gushaka gusagarira mukeba we Nicki Minaj ariko akomwa mu nkokora n’abashinzwe umutekano, ndetse bamutera urukweto rwe mu isura. Yahise ava muri ibyo birori atahana ishyundu ku mutwe n’urukweto rumwe.

Nyuma y’ubwo bushyamirane, uyu muraperikazi yanyarukiye ku mbuga nkoranyambaga ze mu rwego rwo gusobanura icyamuteye uburakari. Ku bwe ngo Nicki Minaj yararengereye ubwo yavugaga ku mwana we, Kulture aherutse kwibaruka.

Cardi B yagize ati "Nirengagije ibintu byinshi. Ushobora kunenga, ushobora kumbeshya. Ariko iyo uvuze ku mwana wanjye, ukagira icyo uvuga ku ruhare rwanjye nk’umubyeyi no ku bushobozi bwanjye bwo kwita ku mukobwa wanjye, aho niho ibintu bihindukira bibi cyane."

Nyuma y’ibi ashinjwa, Nicki Minaj nawe yagize icyo abivugaho ubwo yari kuri Queen Radio. Yagize ati "Nusagarira abantu bamwe na bamwe, uzapfa. Murakeka mwese ko uri ari urwenya? Ntabwo ndi umwe muri ba bagore babi bahora mu tubyiniro tw’ibimansuro (clubs de strip tease) cyangwa mu biganiro mpamo (télé-réalité). Mfite amafaranga menshi."

Nicki Minaj wari wariye karungu mu yandi magambo yavuze ko iyo Cardi B aba yarateye amahane ku bandi, bashoboraga kumumerera nabi cyane kurusha uko Nicki we yabigenje.

Nicki Minaj yongeyeho ko yatewe isoni bikomeye nuko gusagarirwa na Cardi B, kandi ngo ntiyigeze na rimwe avuga ku mwana we nk’uko uyu mukeba we mu njyana ya rap abivuga. Ku bwe ngo ntashobora na rimwe kunenga umwana yewe n’uburere ababyeyi be bamuha.

Follow Us on Facebook and Twitter

Ibitekerezo

Evariste - 12/09/2018 saa 20:36

ndabakunda
Reply

Leave your comment

Your Name

Your Email

Your comment

Close X