Home  >>  Amakuru yose >> Imikino >> Hanze y’u Rwanda >> 

Mesut Ozil ashobora kuva muri Arsenal

Umukinnyi Mesut Ozil ukinira ikipe ya Arsenal mu Bwongereza,arashaka kuyivamo akerekeza mu ikipe ya Fernerbache imwifuza mu kwezi kwa mbere ngo akinire ku butaka bwavukiyeho ababyeyi be.


Nkuko byatangajwe n’ibinyamakuru byo ku mugabane w’I Burayi,iminsi Ozil asigaje muri Arsenal irabaze kubera imibanire ye n’umutoza Unai Emery,utarakunze uko uyu musore akina cyane cyane mu gufasha bagenzi be kugarira.

Mesut Ozil uherutse kongera amasezerano yatumye yongererwa umushahara ugera ku bihumbi 350 by’Ampawundi buri Cyumweru,ntarabasha kugera ku mutima umutoza Emery n’abakunzi ba Arsenal bishobora gutuma iyi kipe imurekura Fernerbache iramutse iyihaye amafaranga atubutse.

Nkuko byatangajwe n’ikinyamakuru Fotomac cyo muri Turkia,Fernerbache irifuza guha Ozil icyizere gihagije cyo gukina nubwo ngo ihanganye na Manchester United nayo yifuza uyu musore.

Arsenal irifuza akayabo ka miliyoni 42 z’amapawundi kuri uyu musore,bishobora gutuma Fernerbache iva mu rugamba rwo kwiruka kuri uyu musore.

Follow Us on Facebook and Twitter

Leave your comment

Your Name

Your Email

Your comment

Close X